8 mar 2021

Vanesa Castro participa en "Tecnofeministas. Cinco voces para construír igualdade dende as redes"


Vanesa Castro participou no vídeo "Tecnofeministas. Cinco voces para construír igualdade dende as redes", que forma parte da campaña #OitoM, Moito por facer. As adolescencias como axentes de cambio.

No marco das actividades impulsadas pola Deputación da Coruña para aconmemoración do 8M, buscouse xerar un contido de utilidade e interese para as adolescencias da provincia en torno á creación de contradiscursos e ao activismo feminista no seu encontro coas TICs.

Se a desigualdade e as violencias do mundo analóxico teñen a súa traducción ao mundo virtual, dende a área de Igualdade da Deputación da Coruña, quixeron axudar á mocidade a identificar aquelas mensaxes reproductoras das desigualdades, ao tempo que se lles facilitan ferramentas e referentes para xerar discursos alternativos dende os que fomentar a igualdade e actuar ante o machismo e a LGBTIfobia.

Isto fixéronno a través do deseño e difusión dun material didáctico que incorpora pequenas “entrevistas” en vídeo. Ao tempo, lanzaron unha campaña animando á mocidade a xerar contido orixinal co que amplificar a conversa nas súas redes. Contan coa complicidade do persoal técnico dos Concellos da provincia, os centros educativos, as asociacións de mocidade, etc.

E se a mocidade tivese máis ferramentas para impulsar a acción feminista dende as redes?
A campaña #Moitoporcambiar da Deputación da Coruña foi unha oportunidade para explorar esta cuestión.
O resultado foi "Tecnofeministas. Cinco voces para construír igualdade dende as redes", unha peza de vídeo acompañada dunha unidade didáctica para traballar o tema de maneira autónoma nas aulas, nas entidades xuvenís,... e en calquera contexto no que interese!
Emocionadas de constatar a potencia de abordar a acción feminista no contexto dixital e de colaborar, participamos estas mullerazas: 
Vanesa Castro, de Fur Alle Falle; 
Lourdes Pérez Indaverea, deseñadora de videoxogos; 
Sonia Méndez, directora do Festival de Contidos Dixitais Carballo Interplay;
Laura Tabarés, investigadora, artista e memera; 
Ana Moreiras, profesora de tecnoloxía e autora de “Madia Leva”.
 
A proposta foi executada por Rexenerando S. Coop. Galega. E por suposto, con Andrea Olmedo de compañeira na ideación, As Maruxas Producións aos mandos técnicos, e Irene Íñiguez e Gema Santos na interpretación en lingua de signos. 
 
Gozade e espallade!
  
A guía didáctica para acompañar o visionado do vídeo pode descargarse aquí:


No hay comentarios:

Publicar un comentario