Historias de Miño

Este Sábado 16 de Decembro, de 18:00-20:00 horas, facemos a presentación do arquivo de memoria local de Miño, no Centro Social da Rúa.

É un proxecto no que levamos varios meses traballando coa veciñanza de Miño, A Coruña.

O arquivo preséntase a través dunha web na que podemos ler as historias e relatos, visionar ilustracións e fotos, e localizar os puntos de interese nun mapa.

Son historias que chegan ata a actualidade contadas pola veciñanza, baseadas nas súas anécdotas, situacións e recordos. O arquivo sitúa o patrimonio histórico, dende o experiencial e o emocional, dende as diversas subxectividades cara a unha subxectividade común. Podemos atopar relatos entorno ao patrimonio natural, aos hábitos, aos oficios e técnicas, ás lendas, e aos cambios sociais e tecnolóxicos, entre outros temas.